आफ्नो छुट्टै प्राज्ञिक
स्तर निर्माण गर्दै गरेको काठमाडौँको चाबहिल, लामपोखरीस्थित शब्दालय नेपाल
स्कुलले चैत्र ३ गते विभिन्न अतिथि, अविभावक, संस्थापक तथा विद्यार्थीहरूको
उपस्थितिमा करिब ४ घन्टाको कार्यक्रम प्रस्तुत गरेको छ । विभिन्न
व्यक्तित्वहरूको आसनग्रहण, पञ्चकन्याबाट दीप प्रज्वलन, राष्ट्रिय गान र
स्वागत गीतबाट अगाडि बढेको कार्यक्रममा स्कुलका नर्सरीदेखि कक्षा १० सम्मका
विद्यार्थीहरूका नृत्य र गायन प्रस्तुतिले उपस्थित सबैलाई मनोरञ्जन
दिलाएको हो । विशेषतः हरेक फरक प्रस्तुतिबाट उपस्थित अभिभावकहरूलाई प्रशस्त
मनोरञ्जन दिलाउन सफल कार्यक्रममा ससाना नानीहरूले देखाएका कला र गायन
हेर्दा अभिभावकहरू बढी हौसिएका थिए । विद्यार्थीहरूले होइ च्याङ्वा, सुर्के
थैली खोई, माया माया, शिरसाया हेगु, चरी चट्ट परीलगायतका गीतमा सुन्दर
नृत्य प्रस्तुत प्रस्तुत गरेका छन् । विद्यार्थीहरूका राइम्स, ट्राफिक दाइ,
गाजलु ती ठूला ठूला आँखा, बनेको छ पहराले, अर्केष्ट्रालगायतका गायनले पनि
प्रशस्त मनोरञ्जन दिलाउन सके ।
वार्षिक खेल र वर्षभरिका विशेष मूल्याङ्कनका आधारमा विभिन्न पुरस्कार
प्रदान गरेको सो कार्यक्रमका विशेष अतिथि माननीय सभासद् तथा अभिभावक समीना
हुसेनले विदालयले आफ्ना नानीहरू विद्यालयका पठनपाठन र अन्य क्रियाकलापमा
धेरै खुसी रहेको कुरा व्यक्त गर्नुभयो । विद्यालयका हरेक गतिविधिमा आफू
जानकार भएको कुरा गर्दै आफूले विद्यालयका राम्रा लक्ष्य र भावी योजनाहरूमा
सधैँ साथ दिने कुरा राख्नुभयो । विदालयका प्रिन्सिपल भावेश भुमरीले
विद्यालयले विद्यार्थीहरूको स्तरमा जोड दिने कुरामा कतै कमीकमजोरी हुन
नदिने कुरा व्यक्त गर्दै आगामी दिनहरूमा पनि अभिभावकहरूलाई निरन्तर साथ दिन
आह्वान गर्नुभयो । निकट भविष्यमा नेपालै एक स्तरीय स्कुल बनाउन प्रयासरत
यस स्कुलले कुनै बहानामा नियमविपरीत शुल्क नअसुल्ने कुरामा पनि भुमरीले जोड
दिनुभयो । कार्यक्रमको सभापतित्व गर्नुभएका विद्यालयका घरधनी तथा ज्येष्ठ
नागरिक न्हुछेरत्न शाक्यले विद्यालयका प्रतिभावान दुई विद्यार्थीलाई जनही
पाँच पाँच हजार नगदको छात्रवृत्ति पनि प्रदान गर्नुभयो ।
कार्यक्रममा कक्षा १० मा अध्ययनरत सी परीक्षामा सामेल हुन जाँदै गरेका
विद्यार्थीहरूलाई विदाइ पनि गरियो ।
No comments:
Post a Comment